يــــــــارب

اضحكى بئه

متحسسنيش انى دايما بجبرك انك تضحكى

حيث لا وجـــــــــــود للحيــــــــــــــره

أريد الذهاب بعيدااااااااا .... حيث لا وجود للحيره

اشتياق غريب لشئ ما ... لا أدرى ما اسميه ... ولكنه ليس حبا

ربما اشتياق لروح تشاركنى هذا الشعور

كيف لى أن أعرف ؟؟

ما زال جزء منى غامض فى حاله سكون

اخشى أن أعترف لنفسى انه بدأ يعلن العصيان عن سكونه

احساس بفقدانى القلب والعقل ....

مازلت غير قادره على إجراء الحوار بين قلبى وعقلى

أتذكر ما حدث سابقا حين أجبرتهم على الصلح

...................

لا أدرى هل كان ذلك قوه ام ضعف منك ايها القلب

تعلن خسارتك بمنتهى القوه مجبرا عقلى على الاعتراف بانك كنت ضحيته

اي منكما القوى واي منكم الضعيف ؟؟؟

اصبحت الخامسه فجراً ومازال الحوار قائما بينكما

اختلطت الامور علي كثيرا وانا احاول التوصل لحل يرضى كل منكما

من منكم يلوم الاخر ؟؟؟

انت المخطى ايها العقل ...

بل انه انت يا قلبى

كل منكما اخطأ فى حق الاخر ..

لما لم تطاوعه يا قلبى حين أمرك بالتوقف عن هذا الحب ؟؟

ولما استمريت فى لومه بانه المخطئ فى اختياره حين كففت عن الحب ايها القوى ؟؟؟

!!!!!!!!!!

وانت ايها الذكى .. تتباهى بذكائك ولست قادرا على ارضاء قلبى

هل حقا سر قوتك هو ذكائك ام وحدتك ؟؟

!!!!!!!!!!

اعلن لكما خسارتكما انتما الاثنين ..

عذرا ..... ربما لم يكن اي منكما السبب ..... ولكن ستبقى الوحده هى شعوركم الوحيد حتى تستطيعا إقامه الصلح بينكما

اريد الذهاب بعيدا ..... بعيدااااااا عنكما

حيث لا وجـــــــــــــــــــود للحيـــــــــــره

D E P R E S S I N G

انا .. انا اسفــــــــــه

مش قادره اطمنـِـك .. كان باين من اول خطوه ان المشوار طويل

بس كفايه لحد كده سوا

هرجعلـِـك ..

لما ابقى استحق تانى إن انتى تبقى انا

صدقنـى ..

حاولت قبل كده تتخلص من اسرارك ؟

فى أول صندوق زباله !!

_انسانى جدا_

وفى شنطه قماش شديده السواد

بفتحات تهويه - كافيه لفضحك -

وبدون ما تاخد بالك

ترميها ورا ضهرك

وتسمع صراخ اللى جرحتهم

ومعركتهم الفاشله مع شعورك بالذنب ؟!

صدقنى ...

هتضحك من ورا قلبك

ويدهشك تسقيف الجمهور

وانت ماشى على ايقاع يأسك

وبتدخل دايره المجهول !

برغبه شريره فى السعاده الأبديه

وحاجه ملحه لجرح حقيقى

ودهشه مناسبه للون بشرتك

وبثقه اقل

بتواجه ثقه الزمن الكامله

تجاه سر سعادتك .. الزايفه !

.....................

..............

.......

فى أول مقابله

حاول يقنعها بجمال الخفه

والفرحه بأى شئ

وأهميه التخلص من جلدهم ..

حاول يقنعها

بعدم أهميه فتح باب النار

اللى اتقفل عليهم .. فجأه !

ــــــــــــــــــــــــــــ

دايما كانت بتحاول تسأله

عن سر احساسها الغريب..بحزنه العريان

!!!!

عمر طاهر

مركب ورق فى البحر و البحر قلبه كبييير
مركب ورق قلبى .... بتعاند المجادير

موج ياخدها لفوووق و موج يطوحها

شطـوط بتحضنهــا وشطـوط بتجرحهــا

والبـحــــر بجـلالـه كتييير مابيسعهــاش

مركب ورق قلبى اوان فرحها مجاش

الوصول لـ أقصى مراحل الاحساس بالخوف

أول ما بصيت فى المرايه لقيتنى مش خايفه !!

بدأت أركز ليكون دى مش أنا !!..

أصل أنا مش حساها !!..

طب وبعدين ؟؟

هرووووب سريع من المواجهه المخيفه دى ..

لـ صدمــــه أكـبــر !!

أنا مش حاسه اى حاجه حواليا .. مع انى لسه مخرجتش من أوضتى ؟

أركز أكتر بقى ... ماهو خلاص مفيش مكان تانى أهرب له !..

دى أنــا .. ودى مرايتـى .. يعنى للمره العشريييين .. دى أنـــا

واللى حواليا ؟؟ .. أوضتى !!

وربنـا أنـــــــــــــــــــــــــــــــــا

ودا مكانــــــــــــــــــــــــــــــــى

لا

هى ألوان الحيطان متغيره كده ليه ؟!! ..

وليه مش قادره ااخد دبدوبى فى حضنــى ..

احنا كنا لسه امبارح سهرانين

بحكيله عن دهشه الجمهور من وقوف الراجل الأعمى اللى فى أخر الصف يصقف لـ بنت لعبت دور البطوله فى فيلم صامت

النهارده 16-10-2008

مفيش حاجه تتكتب عشان حد يقراها
ولا انا كمان هكتب اى حاجه عشان اقراها بعد كده
هكتفى بانى امر ع المدونه النهارده
عشان هو النهارده :) :) :)

رقصه اللوز ..

تخيل ..

ان الحياه قالتلك .. خمس دقايق بس .. هشترى عقد الفل بتاع كل يوم .. وراجعه

.. تخيل .. ان خمس دقايق فاتت .. عشره .. ساعه .. يوم .. شهر .. سنه .. ويمكن سنين-والحياه مارجعتش

.. فابتديت تقلق !!

وسبت كل اللى فى ايديك .. من خفه وتقل و دم و طموح و أحزان هشه و نزلت تدور عليها .. وانت قلبك بيفط من القلق .

وفجأه ..

قبل ما توصل حتى اخر الشارع .. برق عدى فى دماغك .. وسابلك ورقه مطويه زى البخت اللى فى حمص السبوع .. كان مكتوب فيها"رقصة اللوز .. يا فرد يا جوز .. النصيب كرسى .. عشانك محجوز" ..

خمس دقايق بس .. كنت محتاجهم عشان تفكر ان الجمله فى منتهى السخف .. تخيل .. ان الخمس دقايق دول .. ما جوش ..

فابتدت جمله رقصه اللوز يبقالها سحر عجيب .. قدر ياخدك تحت باطه .. وينسيك حكايه الحياه .. اللى فى الغالب هربت .. ويا بياع الفل ..

الجميل فى الحكايه انك حسيت ساعتها ان ضهرك خفيف .. وانك خلصت من عركة الحسابات .. بس انت حقيقى مش عارف هى ايه رقصه اللوز .. جايز تكون أول شئ خسرته فى أول خطوه ليك ع الأرض .. بس انت دلوقتى حاسس انها مافارقتكش ابدا .. وانها أقرب من رجليك .. لرجليك .. بس هى غشاوه ملايين سنين ملكش ذنب فيها ..

حلو ..

يبقى انت دلوقتى عركتك مع اتنين .. أولهم : السنين .. عشان دايما بتكره الرقص .. وتانيهم : الحقيقه .. عشان دايما متيمه بحد غايب

.. فابتديت تقرا كتير عن جغرافيا الرقص .. وتاريخ كل خطوه كان بيحاول فيها الانسان يضحك على المغناطيس اللى فى الارض .. وابتديت تراقب خطوه كل حاجه .. البنات .. العواجيز

الطيور .. المجاذيب .. الحشرات .. و ورق الشجر .. العيال .. كل حاجه .. حتى الوز اللى فى سطوح جدتك ..

شويه .. والايقاع كمان بدأت تلمحه .. دخول النفس وخروجه .. دقه القلب .. دبه الكعب العالى .. وشوشه القطر للطريق .. تكه عقرب الساعه وهو بيعض الوقت .. نقط الميه ..

حلو !!!

يبقى تانى اكتشاف ان لكل حى رقصته .. اللى لو عرفها .. هيعرف روحه .. جمله حلوه قوى .. ان لكل حى رقصته !! .. هيتهيألك ان دى الحكمه ذاتها .. لدرجه انك هتحس ان فيه ريش ابتدا يزهَرعلى كتافك .. دلوقتى .. انت وصلت لحكمة الرقصه .. بس موصلتش للرقصه .. رقصتك .. اللى قلت ان اسمها رقصة اللوز .. المسأله اتكعبلت خالص .. حاول تفك الخيوط اللى فاتت لوحدك .. عشان أنا زهقت من الكلام وما عدتش شايف ..

دلوقتى انت قدام طريقين .. يا تكمل جريك ورا الرقصه يا تكمل جريك ورا حكمه الرقصه .. مش هتفكر كتير .. هتنسى الرقصه وتختار حكمه الرقصه .. لأنها هتحسسك انك نبى صغير .. على كتفه جبل اسمه الايمان وعلى ضهره مربوط جوقة مؤمنين ..

يا نهااااااار .. دى الحكايه اتكعبلت فعلا .. بعد ما كانت رقصه اللوز هى اللى ليها سحر عجيب .. بقى كلامك عنها هو السحر ذاته .. قادر ياخد الناس تحت باطه .... وينسيهم حكايه الحياه .. اللى فى الغالب هربت منهم ويا بياع الفل ..

انت دلوقتى مش عارف .. ان كنت سعيد بحكايه النبوه دى ولا لأ .. بس اللى حاسه ان حركتك بطيئه .. وانك ابتديت تتعب .. فجأه .. هيبقى نفسك تقع من طولك .. وترتاح .. بس لا هتعرف .. ولا هترتاح .. لأن دلوقتى .. بقى فيه مخادع .. ومخدوعين .. وخدعه .. والتلاته مش هيلاقوا حاجه يعتذروا بيها لبعض .. غير ان اليقين هو اخر شئ ممكن نشتريه م العالم ..

المصيبه ان حتى فى دى .. هيتهيألكوا انها الحكمه ذاتها .. هتبيعوها

.. وتشتروا يافطه كبيره .. مكتوب فيها"يا حيااااااااه .. بغض النظر عن حكاية الكرامه .. ان كنتى زهقتى من بياع الفل .. ارجعى" ..

تخيل ..

ان الحياه فعلا كانت زهقت من بياع الفل .. وانها هترجع ..

تخيل ..

انك واعدتها عند محطه القطر .. فخلعت خرقه الزهاد ..وحلقت دقنك اللى طولت من الحكمه .. ولبست أجمل هدومك ونزلت تقابلها .. خمس دقايق بس وتوصـلَـها ..

تخيل .. ان الخمس دقايق دول .. ماجوش .. !! عشان برق عدى فى دماغك وسابلك ورقه مطويه كان مكتوب فيها"رقصه اللوز .. ممكن أصلا ماتكونش رقصه !!"

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هتتسمر شويه فى مكانك وتموت على روحك م الضحك على كل الوقت اللى ضيعته ..

انت دلوقتى واقف على محطه القطر .. والحياه واقفه على الرصيف .. وانت واقف على الرصيف التانى .. هتبصوا لبعض بصه .. انتو الاتنين بس اللى فاهمينها .. و ببساطه شديده .. هتسيبها تهرب ويا شيال المحطه .. أما انت .... هتروح تدور على رقصة اللوز .. بس المره دى .. فى اتجاه تانى !!

شعر / أحمد الفخرانى

اولى كلماتى ...اعتذاراتى

لم اكن اتصور يوما ان تكون تلك اول ما يهدى اليك

اعتذر عن احتلاله لجزء صغير من عالمك .. فأبدا لم اكن اسمح لاحد بالاقتراب من هذا العالم فهو ملك لك وحدك

فى لحظه خارجه عن مدار هذا الكون البائس امتلك كل جوانحى

لم يكن اول اشتياق .. لكنه كان اول شعور بالحب يسلبنى قوتى

احببت من لم اكن عالمه .. ولانه من البشر فكانت له احدى حماقات البشر

اتخذ شرف البدايه واعلنت انا هزيمتى فى النهايه واقفه خارج حدوده

معترفه وبكل قوتى انى احببت هذا العالم .. واذنبت حين سرقت احدى حقوقك

اعتذر حبيبى

فانا من الان ملك لك وحدك

ولن اقبل من الان ان يكون لضعفى ملجأ سوى حضنك

حبيبى ...

لا تنظر الي هكذا

لن اسألك يوما عن سبب تأخرك

فلا ترمقنى بنظرات الشك والخوف .. فهى تعاقبنى على جرم لم ارتكبه

نعم سرقت احدى حقوقك .. ولكنى لم اقتل حلمى وحلمك

لا تخف لن اسمح بذلك ابدا .. فقد خلقت لابدد خوفك
ستبقى دوما لك اولى كلماتى فى الحب

لك وحدك اول كلمه احبك

انتظرك يا بدايه العمر ... احبك

............

اللهــــمَّ ارزقنــــــي حُــبَّـــــك ، و حُـبَّ مَـن يَنْفعُنِــي حُبُّــه
عندَكَ ، اللهــــمَّ ما رزقـتني ممَّا أُحِـــبُّ فاجـعلهُ قُـوَّةً لي فيـما تُحـبُّ ، اللهــــمَّ ما زَوَيْــتَ عني مما أُحِــبُّ فاجـعلْهُ فراغًــــا لـــي فـيــمـا تُحِــبُّ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مفيش هامش

تم معاقبه الحروف حين طالبت بحقها فى أن تقال

.الدنيا دى اكبر اشتغاله.

تجيلك

تمسكها

تطيييير م الفرحه

تروح

تستغرب

تموووت م الحزن عليها

وأول ما تفوء

تلاقيها طلعت اشتغاله

وانت كمان طلعت....( لا مؤاخده )

اصلها كانت جايه تشتغلك

ـــــــــــــــــــــــــــــــــــــــــــــــــــــــــ

شكرا

! ! ! !

الى متى سيستمر شعور الترقب والحيره ؟؟

ــــــــــــــــــــــــــ

i just can't explain why i feel the way i do

first words

أخييييرا عملت مدونه...

مش عارفه أنا بقالى قد ايه بفكر فى الموضوع دا..بقالى كتير اووى من أول ما بدات أتابع مدونات صحابى وبعد كده مدونات ناس

معرفهمش وبعد كده اهتمام بمعرفه اكتر واكتر..وحضور لقاء مدونين..اممممم واقتراح كذا حد من اصحابى انى اعمل مدونه ليا

بس كان موضوع صعب عليا شويه

مش عارفه ايه اللى خلانى أخد القرار دا وفجأه كده كمان

يمكن احساس بإن جوايا كلام كتيييييير اووى مش راضى يطلع ولا عارف يتقال !!!

يمكن لإن دى أحسن طريقه فى الوقت الحالى أقول بيها كلامى اللى جوايا ...أقوله لنفسى يمكن أقدر أحدد مشاعر الحزن من الخوف من الحب من ...و...و.....

أو يمكن عشان فى يوم هقرأ الكلام دا ان شاء الله وأعرف وقتها أنا كنت صح ولا غلط وهبقى اتعلمت م اللحظات والمشاعر اللى هتبقى فى هنا

أو يمكن لسبب غير كل دول...اممممم أحسن حل don't ask why

بس أنا أخدت الخطوه دى...هيييييييه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(يمكن دى حاجه عاديه..بس بالنسبالى ليها معنى حباه وخايفه منه فى نفس الوقت..بس برضه هييييه)