أخييييرا عملت مدونه...
مش عارفه أنا بقالى قد ايه بفكر فى الموضوع دا..بقالى كتير اووى من أول ما بدات أتابع مدونات صحابى وبعد كده مدونات ناس
معرفهمش وبعد كده اهتمام بمعرفه اكتر واكتر..وحضور لقاء مدونين..اممممم واقتراح كذا حد من اصحابى انى اعمل مدونه ليا
بس كان موضوع صعب عليا شويه
مش عارفه ايه اللى خلانى أخد القرار دا وفجأه كده كمان
يمكن احساس بإن جوايا كلام كتيييييير اووى مش راضى يطلع ولا عارف يتقال !!!
يمكن لإن دى أحسن طريقه فى الوقت الحالى أقول بيها كلامى اللى جوايا ...أقوله لنفسى يمكن أقدر أحدد مشاعر الحزن من الخوف من الحب من ...و...و.....
أو يمكن عشان فى يوم هقرأ الكلام دا ان شاء الله وأعرف وقتها أنا كنت صح ولا غلط وهبقى اتعلمت م اللحظات والمشاعر اللى هتبقى فى هنا
أو يمكن لسبب غير كل دول...اممممم أحسن حل don't ask why
بس أنا أخدت الخطوه دى...هيييييييه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(يمكن دى حاجه عاديه..بس بالنسبالى ليها معنى حباه وخايفه منه فى نفس الوقت..بس برضه هييييه)
هناك تعليقان (٢):
مبرووك يا نهى ده اولا ...
ثانيا انا سعيده انك اخدتى الخطوه انا حصلي اللي حصل معاكى بتفاصيله واخدت وقتى
والحمد لله استمريت فيها ... واتعلمت كتيير
اووووووي
وواثقه انك هتكتشفي كتير اووي
ميرسى يا جوسى ربنا يخليكى
انا كمان حاسه انها هتجربها هكتشف فيها حاجات كتير .. بالذات هكتشف حاجات جوايا
يارب تبقى تجربه ناجحه باذن الله
ميرسى على تعليقك بجد اسعدنى
إرسال تعليق